Girona bën tjetër hap fals për titullin kampion, mposhtet nga Bilbao

23:00 | 19 Shkurt 2024
D.H

Athletic Bilbao ka arritur të mposht Gironën me rezultat 3-2 në kuadër të xhiros së 25-të në La Liga.

Kjo humbje është një tjetër hap fals i Gironës, që ishte befasia e gjysmësezonit që rivalizonte Real Madridin në garë për titull, shkruan Arbresh.info.

Fillimisht ishte Berenguer që në minutën e dytë i dha epërsinë Bilbaos.

Mirëpo Tsygankov në minutën e 49-të barazoi rezultatin dhe riktheu shpresat për Gironën.

Por Bilbao nuk mendonte asgjë tjetër përveç fitores, kështu që Berenguer realizoi në minutën e 56-të sërish për të rikthyer epërsinë.

Ndërsa Inaki Ëilliams katër minuta më vonë shënoi edhe golin e tretë.

Girona u rikthye në lojë në minutën r 75-të, kur Eric Garcia ngushtoi diferencën.

Por kjo ishte e tëra se çfarë bënë mysafirët.

Kështu Bilbao pas kësaj fitore shkon në kuotën e 49 pikëve dhe lufton për një vend në top katërshe.

Kurse Girona mbetet me 56 pikë, gjashtë më pak se lideri Real Madridi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm